عتاب
كتبهاali apogroon ، في 20 أكتوبر 2008 الساعة: 14:15 م
الشـــــايلو القليب ان شالو جبل اتهدا
والحـــــــــال العلي حير قوارير جده
مــــــن عين الظبي حالي العلي اتردا
والدرب البدا مـــــا اظنو فيو من صدا
ـــــــــــــــــــــــــــــــــــ
يـــــــــا عبدو اللسان اياك تجرح بيهو
مــــا جرح القلوب مافيش علاجا ليهو
حت ان كان اخوك اعمل حساب للبيهو
والقــــول السمح جرح القلوب يشفيهو
ـــــــــــــــــــــــــــــــــــ
يـا عبدالاله ما عارف اخوك ممكون
والحـــــال العليو قرب يصل لجنون
لــــي عين الغزال دايما قليبي حنون
بالريد ان عرف ما اظن عليهو اهون
ـــــــــــــــــــــــــــــــــــ
مـا قالو الجمر بحرق رجل واطيهو
والواطـــــي بيقول كل البشر متليهو
يـاعبدو الحبيب انا قلبي مغروم بيهو
والزول ان كتل سلخ الجلد شن فيهو
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
أكتوبر 20th, 2008 at 20 أكتوبر 2008 2:41 م
تسلم يا ابو علي والله قصيده حلوه مع تمنياتي بالتوفيق
ديسمبر 16th, 2008 at 16 ديسمبر 2008 8:02 م
الاخ ابو علي
كلام كلو حكم ده كلام عربنا القديم في الضهاري.. في الخلا.. حكمتهم ما جابتها المدنية ..دي حكمة بوادينا في كل ربوع سودانا الغالي ..في النجوع في التريعات البعاد في غنا الولد البيرعا في غنيماتو ده كلام بوادينا البعيدة في شمالنا في قراه في غربنا في النجوع ورحلة الدمر الصعيبة في شرقنا وكلام كل احبابنا
شكرا ليك وشكرا
يونيو 8th, 2009 at 8 يونيو 2009 11:38 ص
الله .. ماأجمل اللهجة السودانية
استمتعت كثيراً بقراءة هذا الإدراج
أتمنى منك المزيد والمزيد
شكراً لك ..
دمت كما تحب